Upacara Jembul

Upacara ''Jembul Tulakan'' wujud rasa syukur masyarakat tulakan marang Gusti ingkang Maha Kuwasa, kang wis paring kesuburan tanah sing nguripi para masyarakat ing desa tulakan. lemah sing awité ora bisa digunakaké jelma dadi sawijining padhukuhan kang subur kanthi bebrayan kang urip rukun, tentrem lan ayem.

Simbol-simbol sing ana ing upacara jembul tulakan ing pelaksanaané upacara jembul Tulakan iki, nyuguhaké rong (loro) werna jembul. sing gedhe ana ing ngarep diarani jembul lanang, lan sing cilik ana ing buri diarani jembul wadon. jembul lanang dirias karo iratan pring tipis, sing isiné manéka warna panganan, kayata jadah (gemblong), tapé ketan, wajék, apem, lan maneka warna panganan liyané. nanging jembul wadon ora dirias ananging diiseni sega lan lawuhé.Cacahing jembul dijumbuhaké karo cacahing pedhukuhan sing dipimpin dening kepala-kepala dhukuh utawa kamituwa. Prosesi upacara Upacara Jembul Tulakan diwiwiti saka ngumbah sikil petinggi nganggo kembang setaman, kanggo pralambang pengormatan marang Ratu Kalinyamat. saiki, bebrayan luwih ngartikna wujud saka panjaluk utawa pandonga supaya kawujud urip sing tentrem, resik saka sambikala lan kesusahan sing nimpa pandhudhuk.samana uga kanggo pangiling kanggo para petinggi supaya tansah resik anggoné lelaku lan mimpin wargané lan supaya ora nglanggar larangan agama, hukum lan jujur uga adhil. sak wise ngumbah sikil para petinggi desa dilanjutna slametan kanggo lambang pandonga marang Gusti supaya desa tetep slamet lan asil bumi akeh sahingga panguripan pendhudhuk dadi sejahtera. inti saka upacara yaiku ngiteri jembul kaping 3 dening petinggi lan disusul karo kabeh perangkat désa sarta pambeksa [tayub], sing gambaraké manèh kahanan ing wektu Ratu Kalinyamat nglakoni pamariksa tumrap para nayaka praja sing teka sowan lan masrahaké bekti, lan saiki luwih diartikna minangka pangèling supaya pemimpin désa tansah nglodhangake wektu kanggo menehi kawigatosan marang staf perangkat désané.